ප්‍රසිද්ධ පුද්ගලයින් සහ සන්නාම කිහිපයක් ඉලක්ක කරගෙන සයිබර් ප්‍රහාරයක් සිදුව තිබෙන බව TikTok සමාගම පවසනවා.

ByteDance නම් චීන සමාගම සඳහන් කරන්නේ “ඉතා සීමිත” ගිණුම් සංඛ්‍යාවක් පමණක් මෙසේ අවදානමට ලක්ව ඇති බවයි.

පරිශීලකයන් සමඟ ඔවුන්ගේ ගිණුම් වෙත ප්‍රවේශය ප්‍රතිසාධනය කිරීමට කටයුතු කරමින් සිටින බවයි TikTok සමාගම  වැඩිදුරටත් සඳහන් කළේ.

නමුත් සයිබර් ප්‍රහාරයේ අපරාධකරුවන් හෝ එය සිදු කළ ආකාරය පිළිබඳ වැඩිදුර තොරතුරු TikTok සමාගම මේ වනතුරුත් කිසිදු තොරතුරක් මෙතෙක් හෙළි කර නැහැ.