පිටසක්වල ජීවින් සමඟ සන්නිවේදනය කිරීමට බොහෝ විද්‍යාඥයින් උත්සාහ දරා තිබෙනවා.

නමුත් මෙය සාර්ථක වූ බවට මෙතෙක් නිල වශයෙන් කිසිඳු වාර්තාවක් ඉදිරිපත් වී නැහැ.



නමුත් පිටසක්වල ජීවින් පිළිබඳව නිරන්තරයෙන් පරීක්ෂණ පවත්වන SETI ආයතනය විශේෂ නිවේදනයක් සිදුකර තිබෙනවා.

ඒ අනුව ඔවුන් පවසන්නේ, අඟහරු කක්ෂයෙන් පිටසක්වල සංඥාවක් නිකුත් වී ඇති බවයි.



මෙම සංඥාව පෘථිවියේ ඇති දැවැන්ත දුරේක්ෂ තුනක් මගින් ග්‍රහණය කරගෙන ඇති බව විද්‍යාඥයින් සඳහන් කළා.

මීට අමතරව විද්‍යාඥයින් පෙන්වා දෙන්නේ, සංඥාව නිකුත් කළ රේඩියෝ තරංග ආලෝකයේ වේගයෙන් ගමන් කර ඇති බවයි.



එහි අගය ගිගාහර්ට්ස් 8.4ක් වූ බව ඔවුන් සඳහන් කළා.

මෙතෙක් මේ පණිවිඩය කුමක් දැයි 100% හඳුනාගෙන නොමැති නමුත්, එය කොටස් වශයෙන් බාගත කර පරිගණක තිරවල දිස්වීමට සලස්වා තිබෙනවා.



මෙසේ පිටසක්වල ජීවින් අප සමඟ සම්බන්ධ වීම 'සියලු මනුෂ්‍ය වර්ගයා සඳහා ගැඹුරු පරිවර්තනීය අත්දැකීමක්' ලබාදෙන බවද ඔවුන් සඳහන් කළා.

මීට අමතරව පණිවිඩයේ සඳහන් තොරතුරු රහසිගතව තබා ගැනීමට තීරණය කළ බවද විද්‍යාඥයින් පැවසුවා.

(Vimarshana Samarakoon @ COLOMBO TIMES)