අපොස උසස් පෙළ විභාගය හෙටින් ඇරඹෙයි

BY COLOMBO TIMES ON November 09, 2025 - 12:58 PM

අධ්‍යයන පොදු සහතික පත්‍ර උසස් පෙළ විභාගය හෙට (10) ආරම්භ වීමට නියමිතව තිබෙනවා.

විභාග දෙපාර්තමේන්තුව සඳහන් කළේ උසස් පෙළ විභාගය හෙට (10) සිට ලබන දෙසැම්බර් 05වෙනිදා දක්වා පැවැත්වෙන බවයි.

අධ්‍යයන පොදු සහතික පත්‍ර උසස් පෙළ විභාගයේ සියලු ප්‍රශ්න පත්‍ර විභාග මධ්‍යස්ථානවලට භාර දී ඇති අතර එම මධ්‍යස්ථානවලට පොලිස් ආරක්ෂාව යොදවා ඇති බවද විභාග දෙපාර්තමේන්තුව වැඩිදුරටත් සඳහන් කළා.

එමෙන්ම මෙවර උසස් පෙළ විභාගය සඳහා පාසල් අයදුම්කරුවන් 246,521ක් සහ පෞද්ගලික අයදුම්කරුවන් 94,004ක් ඇතුළුව සම්පූර්ණ අයදුම්කරුවන් 340,525ක් පෙනී සිටීමට නියමිත වන අතර ඔවුන් විභාග මධ්‍යස්ථාන 2,362කදී උසස් පෙළ විභාගය සඳහා මුහුණ දීමට නියමිත බවයි වාර්තා වන්නේ.

(colombotimes.lk)