2026 වසර සඳහා ගිනි අවි බලපත්‍ර නිකුත් කිරීම අද (01) සිට ආරම්භ වන බව ආරක්ෂක අමාත්‍යාංශය පවසනවා.

එම අමාත්‍යාංශය සඳහන් කළේ දෙසැම්බර් 31වනදා දක්වා ඒ සඳහා අවස්ථාව පවතින බවයි.

ඊට අදාළ අයදුම්පත් ආරක්ෂක අමාත්‍යාංශයේ වෙබ් අඩවියෙන් ලබාගත හැකි බවයි වාර්තා වන්නේ. 

2026 / 2027 වසර සඳහා පෞද්ගලික ආරක්ෂක නියෝජිතායතන ලියාපදිංචිය හා අලුත් කිරීමේ කටයුතු ද අද ආරම්භ වන අතර එම සේවාවද දෙසැම්බර් 31වනදා දක්වා ක්‍රියාත්මක වනවා. 

එමෙන්ම එම කාලසීමාවෙන් පසු සිදු කරන අලුත් කිරීම් සඳහා ප්‍රමාද ගාස්තු සහ නීතිමය ක්‍රියාමාර්ග ගැනීමට ද සිදු වන බවයි වාර්තා වන්නේ. 

(colombotimes.lk)