තලවකැලේ තවලන්තැන්න හරහා කොත්මලේ මාර්ගයේ පාලුවත්ත ප්‍රදේශයේ මීටර් 100ක පමණ කොටසක් නායයෑමට ලක්වී තිබෙනවා.

එමනිසා සහන කණ්ඩායම්වලට කොත්මලේ ප්‍රදේශයට යාමට නොහැකි තත්ත්වයක් උද්ගත වී තිබෙන බවයි වාර්තා වන්නේ.

පසුගිය දිනවල කොත්මලේ ප්‍රදේශයට ඇදහැළුණු අධික වර්ෂාවත් සමඟ එම මාර්ගය නායගිය ගොස් ඇති බවත් එම නායගිය ස්ථානයට නොදුරින් පිහිටි රම්බොඩගම නායයෑමට ලක්වී ඇති බවද කොත්මලේ පාලුවත්ත ප්‍රදේශයේ පදිංචිකරුවන් සඳහන් කළා.

එමෙන්ම පාලුවත්ත ප්‍රදේශයේ පවුල් 100කට අධික ජනතාවක් නායයෑමේ අවදානමකට ලක්වී ඇති බවත් දැනටමත් තම නිවෙස්වල බිත්ති පුපුරා ඉඩම් ඉරිතලා ඇති බවයි වැඩිදුරටත් වාර්තා වන්නේ.

(colombotimes.lk)