ශ්‍රී ලංකාවේ බැංකු සහ මූල්‍ය ක්ෂේත්‍රයේ ප්‍රමුඛයා වන මහජන බැංකුව සිය ඩිජිටල් වේදිකා හරහා මිලියන 4ක පාරිභෝගික ලියාපදිංචිය ඉක්මවා යමින් ඩිජිටල් පරිවර්තනයේ සිය නායකත්වය නැවත වරක් අවධාරණය කර තිබෙනවා. 

මෙම ජයග්‍රහණය පිළිබඳව මහජන බැංකුවේ සභාපති මහාචාර්ය නාරද ප්‍රනාන්දු මහතා දැක්වූයේ මෙවන් අදහසක්, 

'අපගේ ඩිජිටල් වේදිකා ගොඩනගා ඇත්තේ පහසුව, ආරක්ෂාව සහ ප්‍රවේශ්‍යතාව මතයි. මිලියන සංඛ්‍යාත ගනුදෙනුකරුවන් අප කෙරෙහි තබා ඇති විශ්වාසය බැංකුකරණය සරල සහ බුද්ධිමත් බවට පත් කිරීමේ අපගේ සාර්ථකත්වය පිළිබිඹු කරයි. ශ්‍රී ලංකාවේ ඩිජිටල් පරිවර්තනයට නායකත්වය දීමට සහ 2030 වන විට ජාතියේ උපාය මාර්ගික ඩිජිටල් ආර්ථික ඉලක්ක සපුරා ගැනීම සඳහා දායක වීමට මහජන බැංකුව ආඩම්බර වේ.'

මහජන බැංකුවේ වැඩබලන ප්‍රධාන විධායක නිලධාරී / ජී. එම් වික්‍රම නාරායන මහතා දැක්වූයේ මෙවන් අදහසක්,
 
'මිලියන 4කට අධික සංඛ්‍යාංක ලියාපදිංචිය ළඟා කර ගැනීම අපගේ පාරිභෝගික කේන්ද්‍රීය ඩිජිටල් උපායමාර්ගයේ පැහැදිලි අනුමැතියකි. සෑම කලාපයකම සිටින ශ්‍රී ලාංකිකයන් තාක්‍ෂණය මත පදනම් වූ මූල්‍ය විසඳුම් වැළඳගෙන සිටින බව එයින් පෙන්නුම් කරයි. ඔවුන්ගේ මූල්‍ය ගමනේ විශ්වාසවන්ත හවුල්කරුවා ලෙස මහජන බැංකුව කෙරෙහි ඔවුන් තබා ඇති විශ්වාසය පිළිබඳව අපි බෙහෙවින් කෘතඥ වෙමු.'

බැංකුවේ ඩිජිටල් බැංකුකරණ විසඳුම් කට්ටලය බාධාවකින් තොරව ඩිජිටල් ගෙවීම් පිළිගැනීම, විධිමත් ණය ක්‍රියාවලීන්, වේගවත් ගනුදෙනු සැකසීම සහ කඩදාසි රහිත ගිණුම් විවෘත කිරීම සක්‍රීය කර තිබෙනවා.
 

(colombotimes.lk)