මහජන බැංකුවේ 'පීපල්ස් ඩෙබිට් කාඩ් වෙතින් ගෙදරටම තෑගි' දිනුම් ඇදීමේ සුපිරි ජයග්‍රාහකයන් තිදෙනාට හිමි තිළිණ පිරිනැමීම පසුගියදා සිදු කර තිබෙනවා.

ඒ අනුව පන්නිපිටියේ පදිංචි වී. ආර්. ඒ. ගුණසේකර මහත්මියට රු. 1,000,000ක්, කඩවත, කිරිල්ලවල පදිංචි ඒ. එම්. නන්දනි කීර්තිලතා මහත්මියට රු. 500,000ක් සහ මාතලේ, කවුඩුපැලැල්ල, ජේ. ඒ. එන්. කේ ජයසිංහ මහත්මියට රු. 250,000ක් බැගින් රු. 1,750,000ක් වටිනා ගෘහ විදුලි උපකරණ පිරිනමා තිබෙන බවයි වාර්තා වන්නේ.

මෙම තිළිණ ඔවුන්ගේ නිවෙස්වලට ගොස් පිරිනැමීමට මහජන බැංකුව කටයුතු යොදා තිබෙනවා.

මීට අමතරව මාසික දිනුම් ඇදීම්වල ජයග්‍රාහකයින් 150කට රු.25,000ක් වටිනා සුපිරි වෙළඳසැල් වවුචර්පත් 150ක්ද පිරිනමා තිබෙන බවයි වාර්තා වන්නේ.

මේ අවස්ථාවට මහජන බැංකුවේ නියෝජ්‍ය සාමාන්‍යාධිකාරිනි (ගෙවීම්, ක්‍රියාවලි කළමනාකරණ හා තත්ත්ව ආරක්ෂණ) නිල්මිණි ප්‍රේමලාල්, අලෙවි ප්‍රධානි නාලක විජයවර්ධන, කාඩ්පත් ප්‍රධානි ජයනාත් ඩයස් යන මහත්ම මහත්මින් ඇතුළු ප්‍රාදේශිය කළමනාකරුවන්, කාඩ්පත් මධ්‍යස්ථානයේ කළමනාකරුවන් සහ ශාඛා කළමනාකරුවන් ඇතුළු බැංකු නිලධාරීන් සහභාගී වී තිබෙනවා.





(colombotimes.lk)