ඛනිජ කැණීම් සඳහා මේ වන විට නිකුත් කර තිබෙන සියලු බලපත්‍ර පිළිබඳ සමාලෝචනයක් කිරීමට භූ විද්‍යා සමීක්ෂණ හා පතල් කාර්යාංශය තීරණය කර තිබෙනවා.

එහි සභාපති සමන් ජයසිංහ සඳහන් කළේ වැලි, මැටි, බොරළු, පස් හා ගල් ප්‍රවාහනය සඳහා පසුගිය සමයේ බලපත්‍ර රැසක් නිකුත් කර ඇති බවයි.

කෙසේ වෙතත් කොන්දේසි කඩකරමින් ඇතැම් බලපත්‍ර හිමියන් කටයුතු කර ඇති බව හෙළිදරව් වී ඇතැයි ඔහු වැඩිදුරටත් කියා සියියා.

ඒ අනුව මේ වන විට පුත්තලම දිස්ත්‍රික්කයේ විමර්ශන කටයුතු අවසන් කර ඇති බවයි වාර්තා වන්නේ.

එහිදී කොන්දේසි කඩ කළ බලපත්‍ර 18ක් අවලංගු කර තිබෙනවා.

(colombotimes.lk)