තංගල්ල සීනිමෝදර ප්‍රදේශයේ ලොරි රථ 03ක තිබී සොයාගත් මත්ද්‍රව්‍ය ජාවාරමට සම්බන්ධ තවත් පුද්ගලයෙක් අත්අඩංගුවට ගෙන තිබෙනවා.

ඒ තංගල්ල කොට්ඨාස අපරාධ විමර්ශන ඒකකයේ නිලධාරීන් විසින්. 

'බෙලිඅත්තේ සනා' නැමති මෙම අපරාධකරු ඊයේ (01) දිනයේදී අත්අඩංගුවට ගෙන තිබෙනවා. 

පොලීසිය සඳහන් කළේ ඔහු මෙම ජාවාරමට සම්බන්ධ ප්‍රධාන සැකකරුවෙක්  වන 'භූමිතෙලා' නැමැත්තාගේ සමීපතමයෙක් බවයි. 

විදෙස් රටක සිට මෙරටට රැගෙන විත් ප්‍රවාහනය කිරීම සඳහා සූදානම් කර තිබුණු හෙරොයින් සහ අයිස් මත්ද්‍රව්‍ය කිලෝග්‍රෑම් 700කට අධික ප්‍රමාණයක්, ලොරි රථ 03ක තිබී තංගල්ල සීනිමෝදර ප්‍රදේශයේදී පසුගියදා පොලීසිය විසින් අත්අඩංගුවට ගනු ලැබුවා.

(colombotimes.lk)