ස‍ංචාරක නවසීලන්ත කණ්ඩායම සහ ශ්‍රී ල‍ංකා කණ්ඩායම අතර පැවැත්වෙන තරග 3කින් සමන්විත එක්දින තරගාවලියේ අවසන් තරගය අද (19) පැවැත්වෙනවා.

ඒ පල්ලෙකැලේ ජාත්‍යන්තර ක්‍රිකට් ක්‍රීඩාංගණයේදීයි.

මෙම තරගය අද පස්වරු 2.30ට ආරම්භ වීමට නියමිතව තිබෙනවා.

ශ්‍රී ලංකා ක්‍රිකට් ආයතනය සඳහන් කළේ එක්දින සංචිතයෙන් මහීෂ් තීක්ෂණ, කුසල් මෙන්ඩිස්, පැතුම් නිස්සංක සහ කමිඳු මෙන්ඩිස් යන ක්‍රීඩකයන්ව නිදහස් කළ බවයි.

ඔවුන් වෙනුවට නුවනිඳු ප්‍රනාන්දු, එෂාන් මාලිංග සහ ලහිරු උදාර සංචිතයට කැඳවා ඇති බවද එම ආයතනය සඳහන් කළා.

මේ වන විට තරගාවලියේ පැවති තරග දෙකම ජයග්‍රහණය කරමින් තරගාවලියේ ජය ශ්‍රී ලංකාව තහවුරු කරගෙන අවසන්.

ඒ අනුව අද පැවැත්වෙන තරගය ජයග්‍රහණය කළහොත් නවසීලන්තයට එරෙහිව පළමු වරට පූර්ණ එක්දින තරගාවලි ජයක් වාර්තා කිරීමට ශ්‍රී ලංකා කණ්ඩායම සමත් වනවා.

(colombotimes.lk)