පළාත් පාලන මැතිවරණයේ නිල ඡන්ද දැන්වීම් පත්‍රිකා බෙදා හැරීම අද (17) සිට ආරම්භ කර තිබෙනවා.

නියෝජ්‍ය තැපැල්පති ප්‍රේමචන්ද්‍ර හේරත් සඳහන් කළේ ලබන 29වනදා දක්වා එම කටයුතු සිදුවන බවයි.

ඒ සඳහා තැපැල් බෙදුම්කරුවන්ට අවශ්‍ය උපදෙස් ලබාදී ඇති  බවද ඔහු සඳහන් කළා.

ඔහු වැඩිදුරටත් කියා සිටියේ තැපෑලට භාරදුන් පළාත් පාලන මැතිවරණයේ තැපැල් ඡන්ද පත්‍රිකා අඩංගු රක්ෂිත පැකට් බෙදා හැරීම ද මේ වන විට සිදු කරන බවයි.

(colombotimes.lk)