ජනාධිපති අනුර කුමාර දිසානායක 2025 ලෝක රාජ්‍ය සමුළුවට සහභාගිවීමට එක්සත් අරාබි එමීර් රාජ්‍යයේ සංචාරයක් සඳහා අද උදෑසන දිවයිනෙන් පිටත්ව ගොස් තිබෙනවා.

ඒ හේතුවෙන් අමාත්‍යාංශ 04ක් සඳහා වැඩබලන අමාත්‍යවරු පත් කර තිබෙන බවයි වාර්තා වන්නේ.

ජනාධිපතිවරයා යටතේ පවතින ඩිජිටල් ආර්ථික අමාත්‍යාංශය, ආරක්ෂක අමාත්‍යාංශය සහ මුදල් හා ක්‍රම සම්පාදන සහ ආර්ථික සංවර්ධන අමාත්‍යාංශය යන අමාත්‍යාංශය 03 සඳහා මෙලෙස අමාත්‍යවරුන් පත් කර තිබෙනවා.

එමෙන්ම ජනාධිපතිවරයා සමඟ සංචාරයට එක් වූ අමාත්‍ය විජිත හේරත් යටතේ පවතින විදේශ කටයුතු, විදේශ රැකියා සහ සංචාරක අමාත්‍යාංශය සඳහා මෙසේ වැඩබලන අමාත්‍යවරු පත්කර තිබෙන බවයි වාර්තා වන්නේ.

එසේ පත් කරන ලද වැඩබලන අමාත්‍යවරුන් පහතින්,
 
ඩිජිටල් ආර්ථික වැඩබලන අමාත්‍ය - ඩිජිටල් ආර්ථික නියෝජ්‍ය අමාත්‍ය එරංග වීරරත්න

ආරක්ෂක වැඩබලන අමාත්‍ය -  ආරක්ෂක නියෝජ්‍ය අමාත්‍ය අරුණ ජයසේකර

මුදල් හා ක්‍රම සම්පාදන සහ ආර්ථික සංවර්ධන වැඩබලන අමාත්‍ය -  කම්කරු අමාත්‍ය හා ආර්ථික සංවර්ධන නියෝජ්‍ය අමාත්‍ය ආචාර්ය අනිල් ජයන්ත ප්‍රනාන්දු

විදේශ කටයුතු, විදේශ රැකියා සහ සංචාරක වැඩබලන අමාත්‍ය -  විදේශ කටයුතු හා විදේශ රැකියා  නියෝජ්‍ය අමාත්‍ය අරුන් හේමචන්ද්‍ර

(colombotimes.lk)