හැටන් සිට මහනුවර දෙසට ගමන් කළ පෞද්ගලික බස් රථයක් අද (21) උදෑසන අනතුරකට ලක්වී තිබෙනවා.

එම බස් රථය මාර්ගයෙන් ඉවතට ගොස් අසල තිබූ තේ වත්තට පෙරළී ඇති බවයි වාර්තා වන්නේ.

අනතුර සිදුවන අවස්ථාවේ අදාළ බස් රථයේ මගීන් 20ත් 25ත් අතර ප්‍රමාණයක් සිටි අතර ඔවුන් සියලුදෙනාම තුවාල ලබා තිබෙනවා.

ඒ අනුව ඔවුන්ව දික්ඔය සහ වටවල රෝහල්වලට ඇතුළත් කර ඇති බවයි වාර්තා වන්නේ.

අනතුරෙන් මේ වන විට පුද්ගලයන් තිදෙනෙක් ජීවිතක්ෂයට පත් වී තිබෙනවා.

(colombotimes.lk)