බස්නාහිර, සබරගමුව, දකුණ සහ වයඹ පළාත්වල මෙන්ම මහනුවර, නුවරඑළිය දිස්ත්‍රික්කවල ඇතැම් ස්ථානවලට මිලිමීටර් 75ක පමණ තද වැසි ඇති විය හැකි බව කාලගුණ විද්‍යා දෙපාර්තමේන්තුව පවසනවා.

මධ්‍යම කඳුකරයේ බටහිර බෑවුම් ප්‍රදේශවලටත් උතුර, උතුරු-මැද සහ වයඹ පළාත්වලටත් හම්බන්තොට දිස්ත්‍රික්කයටත් විටින් විට පැ.කි.මී. 30-40 පමණ තරමක තද සුළං බලාපොරොත්තු විය හැකි බවයි එම දෙපාර්තමේන්තුව වැඩිදුරටත් සඳහන් කළේ.

එමෙන්ම නැගෙනහිර, ඌව සහ උතුරු-මැද පළාත්වලටත් සවස් කාලයේදී හෝ රාත්‍රී කාලයේදී තැනින් තැන වැසි හෝ ගිගිරුම් සහිත වැසි ඇති විය හැකියි.

(colombotimes.lk)