2025 සැප්තැම්බර් මාසය සඳහා ශ්‍රී ලංකාවේ ජාතික පාරිභෝගික මිල දර්ශකයට අනුව උද්ධමනය ප්‍රකාශයට පත් කර තිබෙනවා.

ජනලේඛන සහ සංඛ්‍යාලේඛන දෙපාර්තමේන්තුව සඳහන් කළේ සුගිය අගෝස්තු මාසයේදී 1.5%ක් ලෙස වාර්තා වූ මෙරට උද්ධමනය 2025 සැප්තැම්බර් මාසය සඳහා 2.1%ක් දක්වා වැඩිවී ඇති බවයි.

එමෙන්ම ආහාර කාණ්ඩයේ ලක්‍ෂ්‍යමය උද්ධමනය 2025 සැප්තැම්බර් මාසයේදී 3.8%ක් දක්වා වැඩිවී තිබෙනවා.

එය 2025 අගෝස්තු මාසයේ දී 2.9%ක් ලෙස සටහන් වුණා.

මේ අතර  2025 අගෝස්තු මාසයේදී 0.4%ක් වූ ආහාර නොවන කාණ්ඩයේ ලක්‍ෂ්‍යමය උද්ධමනය 2025 සැප්තැම්බර් මාසයේදී 0.7%ක් දක්වා වැඩි වී තිබෙනවා.

(COLOMBOTIMES.LK)