ස්ත්‍රී පුරුෂ සමාජභාවය මත පදනම් වූ ප්‍රචණ්ඩත්වයට එරෙහිව (GBV) දින 16ක ගෝලීය ක්‍රියාකාරීත්වයට සහය දැක්වීම සඳහා ශ්‍රී ලංකා පාර්ලිමේන්තුවේ මන්ත්‍රීවරියන්ගේ සංසදයේ ප්‍රධානත්වයෙන් ක්‍රියාකාරකම් රැසක් පාර්ලිමේන්තුවේදී අද (06) පවත්වා තිබෙනවා.

මෙම වැඩසටහනට සහයෝගය දැක්වීම පිණිස පාර්ලිමේන්තු මන්ත්‍රීවරියන් සහ කාර්ය මණ්ඩලයේ නිලධාරිනියන් තැඹිලි වර්ණයෙන් සැරසී සිටි බවයි වාර්තා වන්නේ.

එයට පාර්ලිමේන්තුවේ විපක්ෂ නායකවරයා ලෙස සමගි ජන බලවේගයේ නායක සජිත් ප්‍රේමදාස ඇතුළු පිරිසක්ද එක්ව තිබෙනවා.

මෙහිදී තැඹිළි පැහැති පළදනාව විපක්ෂ නායක සජිත් ප්‍රේමදාසට පැළැඳවීම ජාතික ජන බලවේගයේ පාර්ලිමේන්තු මන්ත්‍රී අම්බිකා සැමුවෙල් මන්ත්‍රීවරිය විසින් සිදු කර තිබෙන බවයි වාර්තා වන්නේ.

(colombotimes.lk)