මේ වන විට වැඩ තහනමට ලක් වී සිටින හිටපු පොලිස්පති දේශබන්දු තෙන්නකෝන්ව යළිත් වරක් මාතර මහේස්ත්‍රාත් අධිකරණයට කැඳවීමට නියෝග කර තිබෙනවා.

ඒ අනුව ඔහුට 25වනදා අධිකරණය ඉදිරියේ පෙනී සිටින ලෙස මාතර මහේස්ත්‍රාත්වරයා අද (21) නියෝග කර තිබෙන බවයි වාර්තා වන්නේ.

අපරාධ පරීක්ෂණ දෙපාර්තමේන්තුව අධිකරණයට කළ කරුණු දැක්වීමකින් අනතුරුව මහේස්ත්‍රාත්වරයා මෙම නියෝගය නිකුත් කර තිබෙනවා.

දේශබන්දු තෙන්නකෝන් අධිකරණ නියෝග නොතකමින් මාතර මහේස්ත්‍රාත් අධිකරණයෙන් වාහනයකින් පිටව යාම සම්බන්ධයෙන් නීතිපති දෙපාර්තමේන්තුවේ අතිරේක සොලිසිටර් ජෙනරාල් දිලීප පීරිස් කරුණු දැක්වීමට නියමිත බැවින් දේශබන්දු තෙන්නකෝන් හට අධිකරණයේ පෙනි සිටින ලෙස නියෝගයක් නිකුත් කරන ලෙස අපරාධ පරීක්ෂන දෙපාර්තමේන්තුව අද ඉල්ලීම් කර තිබෙන බවයි වාර්තා වන්නේ.

(colombotimes.lk)