ස‍ංචාරක නවසීලන්ත කණ්ඩායම සහ ශ්‍රී ල‍ංකාව අතර පැවැත්වෙන තරග 3කින් සමන්විත එක්දින තරගාවලියේ දෙවන තරගය අද (17) පැවැත්වෙනවා.

ඒ පල්ලෙකැලේ ජාත්‍යන්තර ක්‍රිකට් ක්‍රීඩාංගනයේදීයි.

තරගයේ කාසියේ වාසිය දිනා ගැනීමට ශ්‍රී ලංකා කණ්ඩායම සමත් වුණා.

ඒ අනුව ඔවුන් තීරණය කළේ පළමුවෙන් පන්දු යැවීමටයි.   

මෙම තරගාවලියේ පළමු තරගය ශ්‍රී ලංකා කණ්ඩායම ලකුණු 45කින් ජයග්‍රහණය කළා.  

ඒ අනුව අද පැවැත්වෙන තරගය ශ්‍රී ලංකාව ජයග්‍රහණය කළහොත් තරගාවලියේ තවත් තරගයක් ඉතිරිව තිබියදීම තරගාවලියේ ජය ඔවුන් සතු වනවා.

එමෙන්ම වසර 12කට පසු නවසීලන්තයට එරෙහිව එක්දින තරගාවලි ජයක් වාර්තා කිරීමටද ඔවුන්ට හැකියාව ලැබෙනවා.  

ශ්‍රී ලංකාව අවසන් වරට නවසීලන්තයට එරෙහිව එක්දින තරගාවලියක් ජයග්‍රහණය කර තිබෙන්නේ 2012 වසරේදීයි.

(colombotimes.lk)