ජපානයේ ප්‍රාන්ත 10 කින් මුහුදු ආහාර ආනයනය කිරීම තහනම් කරන බව හොංකොං හි පරිසර හා පරිසර විද්‍යාව පිළිබඳ ලේකම් Tse Chin-wan පවසනවා.

ඒ, ජපානය ෆුකුෂිමා න්‍යෂ්ටික බලාගාරයේ ඇති විකිරණශීලී ජලය මුහුදට මුදා හැරීමට තීරණය කිරීම හේතුවෙන්.

ඒ අනුව මුහුදට ටොන් මිලියන 1.3කට වඩා වැඩි ජල ප්‍රමාණයක් මුදා හැරීමට නියමිතයි.

මෙම බලාගාරය 2011 වසරේදී ජපානයට බලපෑ සුනාමි තත්ත්වය හේතුවෙන් භාවිතා කිරීමට නොහැකි තත්ත්වයට පත්ව තිබුණා.

මේ සම්බන්ධයෙන් අදහස් දක්වමින් ජපාන විදේශ අමාත්‍යවරයා හොංකොං නිලධාරීන්ගෙන් ඉල්ලා සිටියේ, මුහුදු ආහාර ආනයනය සඳහා වන සීමාවන් දැඩි නොකරන ලෙසයි.

එමෙන්ම කෘෂිකාර්මික හා ධීවර අපනයන කරන ජපානයේ දෙවන විශාලතම වෙළඳපොල හොංකොං ලෙස සැලකෙනවා.
(colombotimes.lk)