අලි ඇතුන් දුම්රියේ ගැටීම වැළැක්වීමට විසඳුමක් ලෙස පේරාදෙණිය විශ්වවිද්‍යාලයේ ඉංජිනේරු පීඨය විශේෂ උපකරණයක් නිපදවා තිබෙනවා.

කෘතිම බුද්ධිය භාවිතයෙන් මෙම අද්විතීය උපාංගය නිර්මාණය කර ඇති බවයි වාර්තා වන්නේ.

පේරාදෙණිය විශ්වවිද්‍යාලයේ ඉංජිනේරු පීඨයේ පීඨාධිපති මහාචාර්ය ලිලන්ත සමරනායක සඳහන් කළේ මීටර් 500ක් පමණ දුරින් දුම්රිය මාර්ගයේ වන අලියෙක් සිටියත් මෙම උපාංගය දුම්රිය රියදුරුට දැනුම් දෙන බවයි.

මෙම උපකරණය සඳහා දුම්රිය හා වනජීවී දෙපාර්තමේන්තුවල අනුමැතිය ලබා දී තිබෙනවා.

මහාචාර්යවරයා වැඩිදුරටත් සඳහන් කළේ එම උපකරණ 4ක් අවශ්‍ය බව දුම්රිය දෙපාර්තමේන්තුව දැනුම් දී ඇති බවයි.