ඒ ක්‍රීඩා වැරදි වැළැක්වීමේ විශේෂ විමර්ශන ඒකකයට භාරවීමෙන් පසුවයි.

 

තරග පාවාදීම් සම්බන්ධයෙන් එල්ල වූ චෝදනා හේතුවෙන් ඔහු මෙළෙස අත්අඩංගුවට ගෙන තිබෙනවා. 

2020 වසරේ පැවති ලංකා ප්‍රිමියර් ලීග් (LPL) තරඟාවලියේදී තරග පාවාදීමට උත්සහ කළ බවට සචිත්‍ර සේනානායකට චෝදනා එල්ල වී තිබෙනවා.

2020 වසරේ පැවති ලංකා ප්‍රිමියර් ලීග් (LPL) පළමු සංස්කරණයේ ක්‍රිකට් ක්‍රීඩකයින් දෙදෙනෙකු ඩුබායි සිට දුරකථනයෙන් තරග නිවැරදි කිරීම සඳහා සම්බන්ධ කර ගෙන ඇති බවටයි ඔහුට චෝදනා එල්ල වී ඇත්තේ.

2023 අගෝස්තු මාසයේදී කොළඹ ප්‍රධාන මහේස්ත්‍රාත් අධිකරණය හිටපු ක්‍රිකට් ක්‍රීඩකයාට තරග පාවාදීමේ චෝදනා සම්බන්ධයෙන් විමර්ශනයක් ආරම්භ කිරීමෙන් පසු විදෙස් ගමන් තහනමක් පැනවූවා.

ඔහුට එරෙහිව අපරාධ චෝදනා ගොනු කරන ලෙස නීතිපතිවරයා (AG) ක්‍රීඩා අමාත්‍යාංශයේ විශේෂ විමර්ශන ඒකකයට (SIU) නියෝග කිරීමෙන් පසු ඔහුට මාස තුනක සංචාරක තහනමක් පනාවනු ලැබුවා.

කෙසේ වෙතත්, හිටපු ක්‍රිකට් ක්‍රීඩකයා එම චෝදනා සියල්ල ප්‍රතික්ෂේප කර ඇති අතර, ඒවා තමා සහ තම පවුල අපකීර්තියට පත් කිරීමේ අරමුණින් කරන ලද පදනම් විරහිත චෝදනා බවයි පවසා ඇත්තේ.

සචිත්‍ර සේනානායක (38) 2012 සිට 2016 දක්වා කාලය තුළ ශ්‍රී ලංකාව වෙනුවෙන් එක් ටෙස්ට් එක්දින තරග 49ක් සහ විස්සයි20 ජාත්‍යන්තර තරග 24කට ක්‍රීඩා කර තිබෙනවා.
(colombotimes.lk)