විෂයමාලා, පෙළපොත් සකස් කරන සහ සමාලෝචනය සිදු කරන නිලධාරීන් සඳහා සයිබර් ආරක්ෂණය වෙනුවෙන් මාර්ගෝපදේශන සංග්‍රහයක් සකස් කිරීමට පියවර ගෙන තිබෙනවා. 

06 ශ්‍රේණියේ සිට 13 වන ශ්‍රේණි සඳහා අධ්‍යාපනය ඩිජිටල්කරණය කිරීමේ කාර්ය සාධන බළකායේ මාර්ගගත ආරක්ෂණය, ඩිජිටල් යහපැවැත්ම  සයිබර් ආරක්ෂණයට අදාළ කාර්ය කණ්ඩායම සමඟ සාකච්ඡාවක් අග්‍රාමාත්‍ය ආචාර්ය හරිනි අමරසූරියගේ ප්‍රධානත්වයෙන් ඊයේ (06) අරලිය ගහ මන්දිරයේදී පවත්වා තිබෙන බවයි වාර්තා වන්නේ. 

එහිදී අදහස් දක්වමින් අග්‍රාමාත්‍යවරිය මේ බව ප්‍රකාශ කර තිබෙනවා.

පාසල් සිසුන් සඳහා විෂයමාලා සකස් කිරීම, පෙළපොත් සකස් කිරීම සහ සමාලෝචනය සිදුකිරීම යන කාර්යයන් සිදු කරන නිලධාරීන් සඳහා මාර්ගගත ආරක්ෂණය, ඩිජිටල් යහපැවැත්ම, සයිබර් ආරක්ෂණය වෙනුවෙන්  මාර්ගෝපදේශන සංග්‍රහයක් සකස් කිරීමට අග්‍රාමාත්‍යවරිය එහිදී වැඩිදුරටත් උපදෙස් ලබාදී තිබෙන බවයි වාර්තා වන්නේ. 

(colombotimes.lk)