සත්කාරක දකුණු අප්‍රිකා කණ්ඩායමට එරෙහි පළමු ටෙස්ට් තරගය ජයග්‍රහණය කිරීම සඳහා ශ්‍රී ලංකා කණ්ඩායමට ලකුණු 516ක ඉලක්කයක් හිමි වී තිබෙනවා.

තරගයේ පළමු ඉනිම ක්‍රීඩා කළ දකුණු අප්‍රිකා කණ්ඩායම සිය පළමු ඉනිම සඳහා රැස් කරගත් ලකුණු සංඛ්‍යාව 191ක්.

ශ්‍රී ලංකා කණ්ඩායමට සිය පළමු ඉනිම සඳහා රැස් කරගැනීමට හැකි වුණේ ලකුණු 42ක් පමණයි.

දකුණු අප්‍රිකා කණ්ඩායම සිය දෙවන ඉනිම සඳහා කඩුලු 5ක් දැවී ලකුණු 366ක් රැස් කරගෙන සිටියදී ඉනිම අත්හිටුවීමට තීරණය කළා.

ඒ අනුව මෙම තරගයේ ජයග්රග්‍රහණය සඳහා ලකුණු 516ක ඉලක්කයක් හඹා යන ශ්‍රී ලංකා දෙවන ඉනිම මේ වන විට ආරම්භ කර තිබෙනවා.

(colombotimes.lk)