මම කලින් කිව්වා වගේ ඇතුගල පිහිටලා තියෙන්නේ කුරුණෑගල දිස්ත්‍රික්කයේ. හැබැයි කුරුණෑගල නගරයෙ ඉදලා 1 km ක් විතර දුරක් යන්න ඕනේ. කොළඹ ඉදලා 101.5 km දුරක් ඇතුගලට තියෙනවා.

 

ඔයාට ඇතුගල බලන්න යන්න හොදම ක්‍රමය තමයි බස් එකේ යන එක. ඔයා කොළඹ කොටුවෙන් කුරුණෑගල යන බස් එකක නැග්ගම කුරුණෑගල ටවුන් එකෙන්ම බහින්න පුළුවන්. ඊට පස්සේ තියෙන 1km දුර Taxi එකක යන්න තියෙන්නේ. ඔයා කැමති ට්‍රේන් එකේ යන්න නම් මුලින්ම කරන්න තියෙන්නේ කොළඹින් නගින්න ඕනේ යාපනය, මඩකලපුව එහෙමත් නැත්තන් කුරුණෑගල ට යන Train එකක. කුරුණෑගල Station එකෙන් බැහැලා එතනින් Taxi එකක යන්න පුළුවන්.

 

 

 

ඇතුගල උඩට යන්න ඔයාලට දෙවිදිහක් තියනවා. එකක් තමයි ගල මුදුනට ඇවිදගෙන යන එක. එහෙමත් නැත්නම් ඔයාලාට ගල උඩටම වාහනේක යන්නත් පුළුවන්. ඔයාල මුදුනට ඇවිදගෙන යනවා නම් මිනිත්තු 15 - 20 විතර කාලයක් ගත වෙනවා. හැබැයි මේ ඇතාගල තියන සැබෑ සුන්දරත්වය විදින්නනම් ගල මුදුනට ඇවිදගෙන යන එක තමයි හොඳම දේ. ගලේ මැද හරියේදී ඔයාලට ගොඩක් වෙලාවට වදුරු රංචු එහෙමත් බලා ගන්න පුළුවන්. හැබැයි ඔයාලා ගෙනියන දේවල් මේ වදුරන්ගෙන් නම් පරිස්සම් කර ගන්න වෙනවා.

 

ඔයාල ගල මුදුනට ළඟා වෙනකොට පන්සල (ඇතුගල විහාරය) සහ විශාල කිරි සුදු පැහැති බුද්ධ ප්‍රතිමාව දැකගන්න පුළුවන් වෙනවා. මෙම විහාරස්ථානයේ ඉදි කර ඇති මෙම බුදු පිළිම වහන්සේ අඩි 88 පමණ විශාලයි. රාත්‍රියට මෙම බුදු පිළිම වහන්සේ කුරුණෑගල නගරයට දිස් වන්නේ සෙමෙන් හුස්ම ගන්නා ජීවමාන බුදු කෙනකු හා සමානවයි. වටපිටාව හොදින් කළුවර වැටුනට පස්සේ මෙම බුදු පිළිම වහන්සේ අපට පෙනෙන්නේ අහසේ වැඩ ඉන්නවා වගේ. මේ ආදී කරුණු නිසා මෙය වටිනා සංචාරයක් වන අතර එය සදා මතකයේ ද රැඳී පවතිනවා.

 

 

 

ඔයාලට නියමාකාරයේ සුන්දර දසුනක් නරඹන්න ඕනේ නම් ගල මුදුනට සවස 5 වගේ වෙනකොට තමයි නගින්න ඕනේ. ඒ වෙලාවට අව් සැරත් අඩු හින්දා නගින්නත් ලේසියි. මේ වගේ වෙලාවට ගල මුදුනට නැගලා ටිකක් කළුවර වැටෙනකන් ගල මුදුනේම හිටියහම ඉතා අලංකාර දසුනක් බලාගන්න ඔයාලාට පුළුවන් වෙනවා. හැබැයි අමතක කරන්නේ නැතුව රෑ 7 වෙද්දී ඇතුගලින් බහින්න අමතක කරන්න එපා. මොකද උදේ 7 ඉදලා රෑ 7 වෙනකන් විතරයි ඇතුගල පන්සල ඇරලා තියෙන්නේ.

 

ඔයාලා කුරුණෑගල පහු කරගෙන යනවනම් එහෙම ඇතුගලට නැගල මේ සුන්දර දසුන් නරබන්න අමතක කරන්න එපා.