සත්කාරක දකුණු අප්‍රිකා කණ්ඩායමට එරෙහිව පැවති දෙවන ටෙස්ට් තරගය ලකුණු 109කින් පරාජයට පත් වීමට සත්කාරක ශ්‍රී ලංකා කණ්ඩායමට අද (09) සිදු වුණා.

තරගයේ අවසන් දිනය වූ අද දිනයේ සිය දෙවන ඉනිමේදී ලකුණු 348ක ජයග්‍රාහී ඉලක්කයක් හඹා ගිය ශ්‍රී ලංකා කණ්ඩායමට  සියලුදෙනා දැවී රැස් කර ගැනීමට හැකි වුණේ ලකුණු 238ක් පමණයි.
 
තරගයේ පළමු ඉනිම ක්‍රීඩා කළ දකුණු අප්‍රිකා කණ්ඩායම ලකුණු 358ක් රැස් කළ අතර ශ්‍රී ලංකාවට සිය පළමු ඉනිමේදී රැස් කිරීමට හැකි වුණේ ලකුණු 328ක් පමණයි.

දකුණු අප්‍රිකා කණ්ඩායම සිය දෙවන ඉනිමේදී ලකුණු 317ක් රැස් කරමින් ශ්‍රී ලංකාවට ලකුණු 348ක ඉලක්කයක් ලබා දුන්නා.

ඒ සමඟ දෙරට අතර පැවැත්වෙන ටෙස්ට් තරගාවලිය තරග 2-0ක් ලෙස ජය ගැනීමට දකුණු අප්‍රිකා කණ්ඩායම සමත් වුණා.

(colombotimes.lk)