මුළු දිවයිනටම බලපෑ අයහපත් කාලගුණයත් සමඟ ඇති වූ ආපදා තත්ත්වය හේතුවෙන් සිදු වූ මරණ සංඛ්‍යාව 334ක් දක්වා ඉහළ ගොස් තිබෙන බව ආපදා කළමණාකරණ මධ්‍යස්ථානය පවසනවා. 

ආපදා කළමනාකරණ මධ්‍යස්ථානය විසින් අද (30) සවස 6.00ට නිකුත් කළ නවතම  වාර්තාවේ සඳහන් වන්නේ ආපදා හේතුවෙන් පුද්ගලයන් 370ක් අතුරුදන්වී තිබෙන බවයි. 

එමෙන්ම පවුල් 309,607කට අයත් පුද්ගලයන් 1,118,929ක් අයහපත් කාලගුණයෙන් පීඩාවට පත්වී සිටිනවා. 

ආපදා කළමනාකරණ මධ්‍යස්ථානය නිකුත් කළ වාර්තාවේ සඳහන් වන්නේ වැඩිම මරණ සංඛ්‍යාවක් මහනුවර දිස්ත්‍රික්කයෙන් වාර්තා වී තිබෙන බවයි.

ඒ අනුව මහනුවරින් ආපදා මරණ 88ක් වාර්තා වී තිබෙනවා.  

ආපදා කළමනාකරණ මධ්‍යස්ථානය සඳහන් කළේ බදුල්ල දිස්ත්‍රික්කයෙන් මරණ 71ක්, නුවරඑළිය දිස්ත්‍රික්කයෙන් මරණ 68ක්, කුරුණෑගල දිස්ත්‍රික්කයෙන් මරණ 37ක් හා මාතලේ දිස්ත්‍රික්කයෙන් මරණ 23ක් වාර්තා වී තිබෙන බවයි.
 
මේ අතර මහනුවර දිස්ත්‍රික්කයෙන් පුද්ගලයන් 150ක්,  නුවරඑළියේ පුද්ගලයන් 64ක්, බදුල්ලේ පුද්ගලයන් 53ක් හා කුරුණෑග පුද්ගලයන් 35දෙනෙක් මේ වන විටත් ආපදා හේතුවෙන් අතුරුදන්වී තිබෙනවා. 



(colombotimes.lk)