පවතින අධික වර්ෂාව සහිත කාලගුණ තත්ත්වය හමුවේ, දිස්ත්‍රික්ක 05කට අදාළව නාය යෑම් පිළිබඳ පූර්ව අනතුරු ඇඟවීම් නිකුත් කර තිබෙනවා.

ඒ අනුව, බදුල්ල දිස්ත්‍රික්කයේ පස්සර ප්‍රදේශයට සහ ගාල්ල දිස්ත්‍රික්කයේ බද්දේගම,නාගොඩ, ඇල්පිටිය සහ යක්කලමුල්ල ප්‍රදේශ සඳහා ජාතික ගොඩනැගිලි පර්යේෂණ සංවිධානය නිකුත් කළ අනතුරු ඇඟවීමේ නිවේදනය බලපැවැත්වෙනු ඇති.

මේ අතර කෑගල්ල දිස්ත්‍රික්කයේ යටියන්තොට, රඹුක්කන, දැරණියගල, මාවනැල්ල, කෑගල්ල සහ ගලිගමුව ප්‍රදේශ සඳහා ද නාය යෑම් පිළිබඳ පූර්ව අනතුරු ඇඟවීම් නිකුත් කර තිබෙනවා.

කුරුණෑගල දිස්ත්‍රික්කයට අයත් රිදීගම මාවතගම අලව්ව සහ පොල්ගහවෙළ ප්‍රදේශවලටත් මාතලේ දිස්ත්‍රික්කයේ පල්ලේපොළ ප්‍රදේශවලටත් නාය යෑම් පිළිබඳ පූර්ව අනතුරු ඇඟවීම් නිකුත් කර තිබෙන බව ජාතික ගොඩනැගිලි පර්යේෂණ සංවිධානය පවසනවා.
(colombotimes.lk)