හිටපු රාජ්‍ය ඇමති ඩයනා ගමගේට එරෙහිව අපරාධ පරීක්ෂණ දෙපාර්තමේන්තුව විසින් ගොනු කළ ආගමන හා විගමන නඩුවේ සාක්ෂි විභාගය අද (30) ආරම්භ කර තිබෙනවා.

ඒ කොළඹ මහේස්ත්‍රාත් අධිකරණය හමුවේදීයි. 

අදාළ නඩුව කොළඹ ප්‍රධාන මහේස්ත්‍රාත් අසංක එස්. බෝදරගම ඉදිරියේ කැඳවූ අවස්ථාවේදී විත්තිකාර ඩයනා ගමගේට අධිකරණය විසින් චෝදනා කියවා දී තිබෙනවා.

එහිදී එම චෝදනාවලට තමන් නිවැරදිකාරිය බව ඇය ප්‍රකාශ කර තිබෙන බවයි සඳහන් වන්නේ.
 
රජයේ නීතිඥ අකිලා ධර්මධාතුගේ මෙහෙයවීම යටතේ ආගමන හා විගමන දෙපාර්තමේන්තුවේ හිටපු නිලධාරිනී හංසිකා කුමාරසිරිගේ සාක්ෂි සටහන් කර ගැනීම සිදු කර තිබෙනවා.
 
ඉන් අනතුරුව නඩුවේ වැඩිදුර සාක්ෂි විභාගය දෙසැම්බර් මස 15වනදා කල් තබා තිබෙන බවයි වාර්තා වන්නේ. 

(colombotimes.lk)