බටහිර ඇෆ්ගනිස්ථානයේ බිහිසුණු බස් රථ අනතුරක් ඊයේ (19) සිදු වී තිබෙනවා. 

ඒ කාබුල් බලා යමින් සිටි බස් රථයක් ට්‍රක් රථයක සහ යතුරුපැදියක ගැටීමෙන්.

විදෙස් මාධ්‍ය වාර්තා කළේ එම අනතුරෙන් පුද්ගලයන් 73දෙනෙක් මියගොස් ඇති අතර ඉන් 17දෙනෙක් කුඩා ළමුන් බවයි. 

එම අනතුර සිදුවීමෙන් අනතුරුව බස් රථය ගිනි ගැනීමකට ද ලක්වූ බව විදෙස් මාධ්‍ය වාර්තා කළා. 

බස් රථයේ ගමන් ගත් මගීන්ගෙන් වැඩි දෙනෙක් ඉරානයෙන් පිටුවහල් කරන ලද ඇෆ්ගන් සංක්‍රමණිකයන් බවයි වාර්තා වන්නේ. 

බස් රථයේ සිටි මගීන් සියලුදෙනාම මිය ගොස් ඇති අතර ට්‍රක් රථයේ සහ යතුරුපැදියේ පැමිණි දෙදෙනෙක් ද මිය ගොස් තිබෙනවා. 

පොලීසිය සඳහන් කළේ බස් රථ රියදුරුගේ අධික වේගය සහ නොසැලකිලිමත්කම මෙම අනතුරට හේතු වී ඇති බවයි. 


(colombotimes.lk)