ඒකාබද්ධ කාලසටහන් ක්‍රමයක් ක්‍රියාත්මක කිරීම හරහා ලංකා ගමනාගමන මණ්ඩලයට පාඩුවක් සිදුවන බව එම වෘත්තීය සමිති පවසනවා. 

ශ්‍රී ලංකා නිදහස් ජාතික ප්‍රවාහන සමිතියේ ලේකම් බන්දුල රත්නායක සඳහන් කළේ ලංගම සහ පෞද්ගලික බස් රථ ඒකාබද්ධ කිරීමට විරුද්ධ නොවන බවත් නමුත් ඒකාබද්ධ කාලසටහන් ක්‍රමයට විරුද්ධ වන බවයි. 

දෛනික ධාවනය සඳහා ලංගම බස් රථ 6500ක් පමණ අවශ්‍ය වුවත් මේ වන විට පවතින්නේ බස් රථ 4000කට අඩු ප්‍රමාණයක් බවද ඔහු කියා සිටියා. 

ඔහු වැඩිදුරටත් කියා සිටියේ ප්‍රමාණවත් රියදුරන් සහ කොන්දොස්තරවරුන් නොමැතිව පෞද්ගලික අංශය සමඟ තරග කිරීමට හැකියාව පවතිනවාද යන්න ගැටලු සහගත බවයි. 

(colombotimes.lk)