අපගේ සෞරග්‍රහ මණ්ඩලයේ පාෂාණමය ග්‍රහලෝක අතර පෘථිවිය අද්විතීය තැනක් ගන්නවා.

එයට හේතුව එහි මතුපිට ඇති විශාල ද්‍රව ජල තට්ටුව නිසා බව කවුරුත් දන්නා කරුණක්.

මෙම ජලය පෘථිවියට පැමිණියේ කෙසේද යන්න පිළිබඳව අදටත් ඇත්තේ අභිරහසක්.



ඒ අනුව, NASA හි James Webb දුරේක්ෂය විසින් මෙම අභිරහස විසඳීම ආසන්නයට පැමිණ තිබෙනවා.

මෙම දුරේක්ෂය යොදාගනිමින් සිදුකරන ලද පරීක්ෂණයේදී අඟහරු සහ බ්‍රහස්පතිගේ කක්ෂ අතර ඇති පාෂාණමය වළල්ලේ වල්ගා තරුවක් සොයා ගැනුණා.

එහිදී මෙම වල්ගා තරුව වටා ජල වාෂ්ප පවතින බවට ප්‍රථම වරට හෙළිවී තිබෙනවා.



මෙම වල්ගා තරුව 238P/Read ලෙස නම් කර ඇති අතර, එය වටා ජල වාෂ්ප වළාකුලක් ලෙස පිහිටා ඇති බව නිරීක්ෂණය වුණා.

එම වළාකුල 'කෝමා' ලෙස නම් කර තිබුණා.

එමෙන්ම මෙම වල්ගා තරුව එය සූර්යයාට සමීප වන විට අයිස් දිය වීමට පටන් ගන්නා බවද පරීක්ෂකයින් පවසනවා.



ඒ අනුව පෘථිවියට සමීප වල්ගා තරුවක ජලය පැවතීම පෙර නොවූ විරූ දෙයක් ලෙසද ඔවුන් සඳහන් කරනවා.

මෙමඟින් අපගේ ග්‍රහලෝක ඉතිහාසයේ මුල් කාලයේදී, වල්ගාතරු මගින් පෘථිවියට ජලය ප්‍රවාහනය කරන ලද න්‍යායට සහය ලබාදෙන බවද පරීක්ෂකයන් පැවසුවා.

(Vimarshana Samarakoon @ COLOMBO TIMES)