මාවිල්ආරු ජලාශයේ බැම්ම ස්ථාන කිහිපයකින් කැඩී ගොස් තිබෙන බවට මේ වන විට අපට තොරතුරු වාර්තා වනවා.  

ආපදා කළමනාකරණ මධ්‍යස්ථානය ජනතාවට දැනුම්දෙන්නේ මේ හේතුවෙන් ජනතාවට වහාම ආරක්ෂිත ස්ථාන වෙත යොමුවෙන ලෙසයි. 

ඊයේ (29) රාත්‍රියේ සිටම මාවිල්ආරු ජලාශයේ බැම්ම අවදානම් මට්ටමේ පැවති නමුත් අද (30) උදෑසන ස්ථාන 13කින් බැම්ම බිඳී ගොස් තිබෙනවා. 

වාරිමාර්ග දෙපාර්තමේන්තු නිලධාරීන් මේ වන විට යුහුසුළුව අදාළ බිඳී යෑම් පිළිසකර කිරීමට කටයුතු කරමින් සිටියත් ජලාශයේ ජල මට්ටම වැඩි නිසා එම බිඳී ගිය ස්ථාන ඉතා ඉක්මනින් විශාල වන බවත් එය දරා ගත නොහැකි තත්ත්වයක් උද්ගත වී තිබෙනවා.

මේ අතර සේරුවාවිල රජමහා විහාරය ආරක්ෂිත ස්ථානයක් ලෙසට නම් කර ඇති අතර, ජනතාවට වහාම එම ස්ථානයට රැස්වෙන ලෙසට දැනුම්දී තිබෙන බවයි වාර්තා වන්නේ.    
 


(colombotimes.lk)