රජය විසින් ඉදිරිපත් කරන ලද දේශීය ණය ප්‍රශස්තකරණය කිරීමේ වැඩසටහන විවාදයට ගැනීම සඳහා පාර්ලිමේන්තුව කැඳවීමේ අතිවිශේෂ ගැසට් පත්‍රයක් කථානායක මහින්ද යාපා අබේවර්ධන විසින් මෙම සතිය මුලදී නිකුත් කළා. 

 

ඒ අනුව අද පෙරවරු 9.30 සිට පස්වරු 7.30 දක්වා පාර්ලිමේන්තුව රැස්වීමට නියමිතයි. 

 

අද පස්වරු 7.30 ට එම යෝජනාව සම්බන්ධයෙන් ඡන්ද විමසීමක් කිරීමට පාර්ලිමේන්තු කටයුතු පිළිබඳ කාරක සභාව ඊයේ තීරණය කළා. 

 

මේ අතර පාර්ලිමේන්තුවට ඉදිරිපත් කිරීමට නියමිත යෝජනා සලකා බැලීම සඳහා පාර්ලිමේන්තු මන්ත්‍රී හර්ෂ ද සිල්වා මහතාගේ ප්‍රධානත්වයෙන් යුත් කාරක සභාව දින දෙකක් රැස්වුණා.
(colombotimes.lk)