විදෙස් රටවල්වල සැඟවී සිටින සංවිධානාත්මක අපරාධකරුවන් 95දෙනෙක්ට එරෙහිව මේ වන විට රතු නිවේදන ලබා ගෙන ඇති බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී එෆ්. යු. වුට්ලර් ප්‍රකාශ කළා.
 
ඒ අද (16) පැවති මාධ්‍ය හමුවකට එක්වෙමින්.

එහිදී ඔහු කියා සිටියේ 2024 වසරේදී රතු නිවේදන හරහා සැකකරුවන් 10දෙනෙක් මෙන්ම 2025 වසරේදී රතු නිවේදන හරහා සැකකරුවන් 11දෙනෙක්ද මෙරටට රැගෙන ආ බවයි.
 
එමෙන්ම එම වසර දෙක තුළ උදර්පන නීතිය හරහා සැකකරුවන් 21දෙනෙක් මෙරටට ගෙන්වා ගැනීමටද හැකියාව ලැබුණු බව පොලිස් මාධ්‍ය ප්‍රකාශකවරයා සඳහන් කළා. 

(colombotimes.lk)