12 March 2025


SL Vs ENG - 1st Test | තරගයේ සිව්වන දිනය අදයි - සිංහයන් ලකුණු 82ක් ඉදිරියෙන්



සංචාරක ශ්‍රී ලංකාව සහ එංගලන්තය අතර පැවැත්වෙන පළමු ටෙස්ට් තරගයේ තුන්වන දිනය වන ඊයේ (23) දිනයේ තරගය නතර කරන විට සිය දෙවන ඉනිම ක්‍රීඩා කරන ශ්‍රී ලංකා කණ්ඩායම කඩුලු 6ක් දැවී ලකුණු 204ක් රැස් කරගෙන සිටියා.

ශ්‍රී ලංකා පළමු ඉනිම ලකුණු 236කට සිමා වූ අතර එංගලන්තය පළමු ඉනිමට ලකුණු 336ක් රැස් කළා.

ඒ අනුව මේ වන විට ශ්‍රී ලංකා කණ්ඩායම දෙවන ඉනිමට ලකුණු 82ක් ඉදිරියෙන් සිටිනවා.

මේ වන විට නොදැවී කඩුල්ලේ රැඳී සිටින කමිඳු මෙන්ඩිස් ලකුණු 56ක් සහ දිනේෂ් චන්දිමාල් ලකුණු 20ක් රැස් කරගෙන තිබෙනවා.

තරගයේ සිව්වන දිනය අද (24) පස්වරු 3.30ට ආරම්භ වීමට නියමිතයි.

(colombotimes.lk)