නමුත් 2012 වසරේ සුප්‍රීම්සැට් අභ්‍යවකාශගත කිරීම සඳහා ශ්‍රී ලංකාව ඩොලර් මිලියන 320ක් වැය කර ඇති බවයි ඔහු ප්‍රකාශ කළේ. 

 

2008, 2019 සහ 2023 දී චන්ද්‍රයාන් - 1, චන්ද්‍රයාන් - 2 සහ චන්ද්‍රයාන් - 3 උත්සාහ තුනකින් පසු ඉන්දියාව චන්ද්‍රයාන් - 3 කක්ෂගත කිරීමට සමත් වූ බවත්, එම උත්සාහයන් තුන සඳහාම වැය කර ඇත්තේ ඩොලර් මිලියන 263 ක් පමණක් බවත් ඔහු පාර්ලිමේන්තුවේදී සඳහන් කළා. 

 

සුප්‍රීම්සැට් සඳහා වන දැවැන්ත වියදම සහ ව්‍යාපෘතියේ සාර්ථකත්වය සම්බන්ධයෙන් පාර්ලිමේන්තුවට වාර්තාවක් ලබාදෙන ලෙස විපක්ෂ නායක සජිත් ප්‍රේමදාස මහතා රජයෙන් ඉල්ලා සිටියා. 

 

චන්ද්‍රිකාව ශ්‍රී ලංකාවේ අභ්‍යවකාශ ගත කිරීමෙන් පසු සඳ මත පතිත කරනවා වෙනුවට අපි රටක් ලෙස පහළට ඇද වැටී ඇති බව ඔහු වැඩිදුරටත් සඳහන් කළා. 

 

2015 වසරේ සිට 2018 වසර දක්වා විද්‍යා, තාක්ෂණ හා පර්යේෂණ අමාත්‍යවරයා ලෙස කටයුතු කළේ තමන් බවත් එවැනි චන්ද්‍රිකාවක් ශ්‍රී ලංකාවට කක්ෂගත කිරීම පිළිබඳව තමන් නොදන්නා බවත් සභානායක සුසිල් ප්‍රේමජයන්ත මහතා පැවසුවා.
(colombotimes.lk)