පුද්ගලයන් ලියාපදිංචි කිරීමේ දෙපාර්තමේන්තුවේ වයඹ පළාත් කාර්යාලයේ එක්දින සේවා රාජකාරී කටයුතු ආරම්භ කර ඇති බව පුද්ගලයන් ලියාපදිංචි කිරීමේ දෙපාර්තමේන්තුව පවසනවා.

ඒ අනුව වයඹ පළාත් ජනතාවට එක්දින සේවය මඟින් ජාතික හැඳුනුම්පත් ලබාගැනීම හා ඒ සම්බන්ධ අනෙකුත් සේවාවන් වඩාත් පහසුවෙන් සිදු කර ගැනීමට හැකියාව පවතින බවයි වාර්තා වන්නේ. 

පුද්ගලයන් ලියාපදිංචි කිරීමේ දෙපාර්තමේන්තුවේ වයඹ පළාත් කාර්යාලය කුරුණෑගල නව වෙළඳ සංකීර්ණයේ 03වන මහලේ පිහිටා තිබෙනවා.

ජනතාවට 0372 224 337 යන දුරකථන අංකය හරහා එම කාර්යාලය සමඟ සම්බන්ධ වීමේ හැකියාව පවතින බවයි වාර්තා වන්නේ. 

(colombotimes.lk)