සෑම රාජ්‍ය ආයතනයකම ඇඟිලි සලකුණු යන්ත්‍ර සවි කිරීමට පියවර ගන්නා බව රාජ්‍ය පරිපාලන, පළාත් සභා හා පළාත් පාලන අමාත්‍යාංශය පවසනවා.

අමාත්‍ය ආචාර්ය චන්දන අබේරත්න සඳහන් කළේ මේ වන විටත් ප්‍රාදේශීය ලේකම් කාර්යාල ඇතුළු රාජ්‍ය ආයතන රැසක ඇඟිලි සලකුණු යන්ත්‍ර සවිකර ඇති බවයි.

සේවකයන්ගේ පැමිණීම හා පිටවීම විධිමත් කිරීම මෙහි ප්‍රධාන අරමුණ වී තිබෙනවා.

අමාත්‍යවරයා වැඩිදුරටත් සඳහන් කළේ සේවයට වාර්තා කිරීම සම්බන්ධයෙන් ඇති අක්‍රමිකතා අවම කිරීමද මෙහි තවත් එක් අරමුණක් බවයි. 

(colombotimes.lk)