ඇමරිකානු රජයේ වසා දැමීම අවසන් කිරීමට සෙනෙට් සභාව 2026 ජනවාරි දක්වා අරමුදල් පනතක් ඉදිරියට ගෙන යාමට තීරණය කර තිබෙනවා.
 
විදෙස් මාධ්‍ය සඳහන් කළේ මෙය එරට ඉතිහාසයේ දීර්ඝතම රජයේ වසා දැමීම බවයි.
 
දින 40ක් පුරා ඇදී ගිය ෆෙඩරල් රජයේ වසා දැමීම අවසන් කිරීමේ සහ ෆෙඩරල් සේවකයන් නැවත සේවයට කැඳවීමේ අරමුණින් යුත් පියවරක් සමඟ මෙම තීරණය ගෙන තිබෙනවා. 
 
විදෙස් මාධ්‍ය වාර්තා කළේ මෙම වසා දැමීම හේතුවෙන් ෆෙඩරල් සේවකයන් සේවයෙන් ඉවත් වී ඇති අතර ආහාර ආධාර ද ප්‍රමාද වී තිබෙන බවයි. 
 
මෙමඟින් ගුවන් ගමන් වලට ද බාධා එල්ල වී තිබෙනවා. 
 
විදෙස් මාධ්‍ය වාර්තා කළේ සෙනෙට් සභිකයන් බලාපොරොත්තු වන්නේ සභාව විසින් සම්මත කරන ලද පනතක් ඉදිරියට ගෙන යාම සඳහා ඡන්දය ප්‍රකාශ කිරීම බවයි. 
 
මෙම පනත සංශෝධනය කිරීමට නියමිත අතර එය කෙටි කාලීන අරමුදල් පියවරක් සමඟ සම්පූර්ණ වසරක ප්‍රතිපාදන පනත් 03ක පැකේජයක් ඒකාබද්ධ කරන බව විදෙස් මාධ්‍ය වැඩිදුරටත් සඳහන් කළා. 

(colombotimes.lk)