ඇමරිකානු ඉතිහාසය තුළ එරට රජයක් මුහුණපෑ දීර්ඝතම රජයේ සේවා අකර්මණ්‍යවීම අවසන් කිරීම සඳහා ඉදිරිපත් කළ සංශෝධිත වියදම් කෙටුම්පතකට ඇමරිකානු කොංග්‍රසයේ අනුමැතිය හිමිවී තිබෙනවා. 

ඒ කොංග්‍රසයේ නියෝජිත මන්ත්‍රී මණ්ඩලයේ ඡන්ද 222ක් හිමිවීමත් සමඟයි. 

අනතුරුව එය ජනාධිපති ඩොනල්ඩ් ට්‍රම්ප්ගේ අනුමැතිය සඳහා යොමු කළ අතර ඊට ඔහුගේ අත්සන හිමිවීමත් සමඟ රජයේ වියදම් අකර්මණ්‍යවීම අවසන් වී තිබෙනවා. 

විදෙස් මාධ්‍ය වාර්තා කළේ ඇමරිකාවේ වත්මන් පරිපාලනය මීට මාස ඒකහමාරකට පමණ පෙර එරට රජයේ වියදම් කෙටුම්පත කොංග්‍රසයේ අනුමැතියට ඉදිරිපත් කළ නමුත් ඩිමොක්‍රොටික් පක්ෂය ප්‍රමුඛ විපක්ෂය ඊට දැඩි විරෝධය පළ කළ බවයි. 

(colombotimes.lk)