මුළු දිවයිනටම ඇදහැළුණු අධික වර්ෂාපතනයත් සමඟ ඇති වූ ගංවතුර හේතුවෙන් පුද්ගලයන් 234,503දෙනෙක් ආපදාවට පත්ව තිබෙන බව ජාතික ආපදා සහන සේවා මධ්‍යස්ථානයේ සහකාර ලේකම් ජයතිස්ස මුණසිංහ සඳහන් කළා.

ඔහු කියා සිටියේ එයින් පුද්ගලයන් 833,985දෙනෙක් ආපදාවට පත්ව තිබෙන බවයි.

එමෙන්ම නිල වශයෙන් මරණ 159ක් වාර්තා වී තිබෙන බව ඔහු සඳහන් කළා.

ආපදා තත්ත්වය හේතුවෙන් සුරක්ෂිත මධ්‍යස්ථාන 919ක් දිවයින පුරාම ආපදාවට ලක්වූ ජනතාව වෙනුවෙන් සේවාවන් සපයන අතර පවුල් 34,198ක පුද්ගලයන් 122,822ක් මෙම සුරක්ෂිත මධ්‍යස්ථානවල රැඳී සිටින බවයි වාර්තා වන්නේ.

එමෙන්ම පවතින තත්ත්වය තුළ සහනාධාර සම්බන්ධ ගෙවීම් සංශෝධනය කර තිබෙනවා.

ජාතික ආපදා සහන සේවා මධ්‍යස්ථානයේ සහකාර ලේකම් ජයතිස්ස මුණසිංහ සඳහන් කළේ වියළි ආහාර සඳහා තනි පුද්ගලයෙක්ට සතියකට පැවති මුදල 1800 සිට 2100 දක්වා සංශෝධනය කළ බවත් පුද්ගලයන් 05දෙනෙක් සිටින පවුලකට පැවති 3600 මුදල 10,500 දක්වාත් වැඩි බවයි.

 
(colombotimes.lk)