ආපදාවට පත් කාන්තාවන් සහ දරුවන් පිළිබඳව දැනුම්දීමට ගාස්තු රහිත දුරකථන අංක 02ක් හඳුන්වාදී ඇති බව කාන්තා සහ ළමා කටයුතු අමාත්‍යාංශය නිවේදනය කර තිබෙනවා.

එම නිවේදනයේ සඳහන් වන්නේ කාන්තාවන් පිළිබඳ තොරතුරු 1938 අංකය වෙතත්, දරුවන් පිළිබඳ තොරතුරු 1929 අංකය වෙතත් ලබාදිය හැකි බවයි. 

මෙම දුරකථන සේවාව ගාස්තු රහිතව පැය 24 පුරාම ක්‍රියාත්මක වන අතර සිංහල, ඉංග්‍රීසි සහ දමිල භාෂා යන භාෂා ත්‍රිත්වයෙන්ම තොරතුරු දැනුම් දිය හැකි බවද එම නිවේදනයේ වැඩිදුරටත් සඳහන් වනවා. 

(colombotimes.lk)