යූරියා පොහොර මිල හෙට (15) සිට අඩු කෙරෙන බව කෘෂිකර්ම අමාත්‍ය මහින්ද අමරවීර මහතා පවසනවා.

ඊට අදාළව මිල කමිටුව රැස්වී වහාම තීරණයක් ගන්නා ලෙස අමත්‍යවරයා විසින් උපදෙස් ලබා දී තිබෙනවා.

ඒ අනුව යූරියා පොහොර කිලෝ ග්‍රෑම් 50ක මිටියක් රුපියල් 9,000 ක් දක්වා අඩු කළයුතු බවයි ඔහු සඳහන් කර ඇත්තේ.

ඊට කෘෂිකර්ම අමාත්‍යවරයා විසින් අමාත්‍ය මණ්ඩලයේ අනුමැතිය ලබාගෙන ඇති බව සඳහන්.

ඒ අනුව අමාත්‍ය මණ්ඩලය නිර්දේශ කර ඇත්තේ, යුරියා පොහොර සම්බන්ධව වෙළෙඳ පොළ මිල සැළකිල්ලට ගනිමින් මිල අඩු කිරීමට ඒ සඳහා පත් කළ මිල කමිටුව විසින් තීරණය කළ යුතු බවයි.
(colombotimes.lk)