දකුණු වෙරළට ඔබ්බෙන් වූ මුහුදු තීරයේදී මත්ද්‍රව්‍ය අඩංගු බවට සැක කෙරෙන පාර්සල් 51ක් ශ්‍රී ලංකා නාවික හමුදාව විසින් සොයා ගෙන තිබෙනවා. 

එම පාර්සල් තුළ තිබී මත්ද්‍රව්‍ය කිලෝග්‍රෑම් 839ක ප්‍රමාණයක් සොයාගෙන තිබෙන බවයි වාර්තා වන්නේ.

පොලීසිය සඳහන් කළේ එහි අයිස් මත්ද්‍රව්‍ය කිලෝග්‍රෑම් 670ක් හෙරොයින් කිලෝග්‍රෑම් 156ක් අඩංගු වී තිබූ බවයි.  

මීට අමතරව හෂීස් කිලෝග්‍රෑම් 12කට ආසන්න ප්‍රමාණයක් එම පාර්සල්වල අඩංගු බව පොලීසිය සඳහන් කළා. 

(colombotimes.lk)