විපක්ෂ නායක සජිත් ප්‍රේමදාස අද (05) විපක්ෂයේ පක්ෂ නායකයන් සමඟ ප්‍රධාන සාකච්ඡාවක් පවත්වා තිබෙනවා.

ඒ අනාගත දේශපාලන ක්‍රියාකාරකම් සහ පාර්ලිමේන්තු කටයුතු සම්බන්ධීකරණය කිරීම පිළිබඳව සාකච්ඡා කිරීම සඳහායි.

එහිදී පාර්ලිමේන්තුව ශක්තිමත් කිරීම, රජයේ වාසිදායක මුලපිරීම්වලට සහය වීම සහ හානිකර ප්‍රතිපත්තිවලට විරුද්ධ වීම සඳහා ඒකාබද්ධ විපක්ෂයක අවශ්‍යතාවය සජිත් ප්‍රේමදාස අවධාරණය කළා.

ගයන්ත කරුණාතිලක, ජේ.සී අලවතුවල, අජිත් පී පෙරේරා, රිෂාඩ් බදියුදීන්, නාමල් රාජපක්ෂ, දිලිත් ජයවීර, දයාසිරි ජයසේකර, රවී කරුණානායක, ජීවන් තොණ්ඩමන්, සිවඥානම් ශ්‍රීදරන්, පී. සතියලිංගම් යන අය ඇතුළු පිරිසක් මෙම අවස්ථාවට එක්ව සිටි බවයි වාර්තා වන්නේ.

(colombotimes.lk)