ඒ පේරාදෙණිය විශ්වවිද්‍යාලයට වසර 80ක් පිරීම නිමිත්තෙන්. 

 

ඒ අනුව එම විශ්වවිද්‍යාල පරිශ්‍රය මහජනතාවට නැරඹීමට අවස්ථාව සලසා දී තිබෙනවා. 

 

මෙරට විශ්වවිද්‍යාලයක් විවෘත දිනයක් ප්‍රකාශයට පත්කළ ඉතිහාසයේ පළමු වතාව මෙයයි. 

 

උත්සවයේ විවෘත දිනයේ සමාරම්භක උත්සවය පෙරවරු 8.30 ට කලා පීඨ කලාගාරයේදී පැවැත්වෙනවා. 

 

මේ අතර යුනෙස්කෝ ලෝක උරුමයක් ලෙස පසුගියදා ප්‍රකාශයට පත් කළ පේරාදෙණිය විශ්වවිද්‍යාලයේ පුස්තකාලයේ දැනට තැන්පත් කර ඇති “මහාවංශයේ” (මහා වංශකථාවේ) ඉපැරණි ඕල පත්‍ර මුල් පිටපත මහජනතාවට නැරඹීමට අවස්ථාවක් ලබාදීමට ද විශ්වවිද්‍යාල පාලනාධිකාරිය තීරණය කර තිබෙනවා. 

 

මහාචාර්ය එදිරිවීර සරත්චන්ද්‍ර කෞතුකාගාරය, ජෝර්ජ් කීට්ගේ සිතුවම් එකතුව මෙන්ම දුර්ලභ ග්‍රන්ථ 5,000ක එකතුවක් ද අද ප්‍රදර්ශනයට තැබෙන බව විශ්වවිද්‍යාල පාලනාධිකාරිය නිවේදනය කළා.
(colombotimes.lk)