Waters Edge ආයතනය මෙම වසරේදී ඉතිහාසයේ වඩාත් ශක්තිමත් කාර්ය සාධනයක් සනිටුහන් කර තිබෙනවා. 

ඒ 2025 මැයි සිට නොවැම්බර් දක්වා කාලය තුළ Waters Edge ආයතනය 2024 වසරේ එම කාලපරිච්ඡේදයට සාපේක්ෂව ලාභදායීතාවයේ ස්ථාවර සහ කැපී පෙනෙන වැඩිවීම් මාලාවක් අත්කර ගනිමින්. 

එමෙන්ම 2025 ජුනි සිට නොවැම්බර් දක්වා කාලය තුළ ලාභදායකත්වය, 2024 වසරේ එම කාල සීමාවට සාපේක්ෂව 264%කින් ඉහළ ගොස් තිබෙනවා. 

මේ පිළිබඳව Waters Edge සභාපති චතුර ක්‍රිෂාන්ත පෙරේරා දැක්වූයේ මෙවන් අදහසක්, 



'2025 වසරේදී Waters Edge ආයතනය රුපියල් මිලියන 200ක ලාභයක් ලබාගත් බව නිල වශයෙන් ප්‍රකාශ කිරීම පිළිබඳව මම අතිශය ආඩම්බර වෙමි. මෙය 2024 වසරේ ලබාගත් රුපියල් මිලියන 99ක ලාභයට සාපේක්ෂව 102%ක වසර තුළ ලාභ වර්ධනයක් වන අතර, මාස 11ක් තුළ අපගේ ලාභය දෙගුණ කිරීම Waters Edge ඉතිහාසයේ විශේෂ සන්ධිස්ථානයක් ලෙස සටහන් වේ. මෙහි ප්‍රතිඵලයක් ලෙස 2025 දෙසැම්බර් මාසයේදී Waters Edge ආයතනයේ සියලුම සේවකයන්ට ලබාදුන් බෝනස් මුදල 2024 වසරේදී ලබාදුන් බෝනස් මුදලට වඩා සුවිශේෂී  අනුපාතයකින් ගෙවන ලද අතර එය 2024දී ප්‍රදානය කළ බෝනස් මුදලට වඩා සැලකිය යුතු ලෙස වැඩි වී තිබෙනවා.'


(colombotimes.lk)