මෙම වසරේ මුල් භාගයේදී ලොව පුරා පුද්ගලයන් ඉලක්ක කරගෙන විවිධ වංචාවන් සිදු කළ WhatsApp ගිණුම් මිලියන 6.8ක් ඉවත් කර ඇති බව Meta සමාගම පවසනවා. 

WhatsApp විසින් නව වංචා විරෝධී පියවරයන් හඳුන්වාදීමත් සමඟ Meta සමාගම මෙම තීරණය ගෙන තිබෙන බවයි වාර්තා වන්නේ. 

එම පියවරයන් අතර WhatsApp විසින් සම්බන්ධතා ලැයිස්තුවේ නොමැති පරිශීලකයෙක් කණ්ඩායම් කතාබහකට (Group Chat) එක්කිරීමේ දී සිදුවිය හැකි වංචනික ක්‍රියාකාරකම් පිළිබඳව විශේෂයෙන් පරිශීලකයන්ව දැනුවත් කර තිබෙනවා.
 
මෙහි ඉලක්කය වන්නේ අපරාධකරුවන් විසින් WhatsApp ගිණුම් පැහැර ගැනීම හෝ ව්‍යාජ ආයෝජන යෝජනා ක්‍රම සහ වෙනත් වංචා ප්‍රවර්ධනය කරන Group Chatවලට පරිශීලකයන් එක්කිරීම වැනි බහුලව සිදුවන වංචනික ක්‍රියාකාරකම් මර්දනයයි. 

(colombotimes.lk)