දකුණු අප්රිකානු ක්රිකට් ක්රීඩකයෙකු සහ පුහුණුකරුවෙකු වන ජොන්ටි රෝඩ්ස්, ශ්රී ලංකා ක්රිකට් ආයතනයේ (SLC) පුහුණුකරු තනතුරක් භාර ගන්නා බවට පළ වන වාර්තා ප්රතික්ෂේප කර තිබෙනවා.
ඒ සිය X සමාජ මාධ්ය ගිණුම ඔස්සේ සටහනක් තබමින්.
සිය විධායක කමිටු තීරණ සම්බන්ධයෙන් ඊයේ නිවේදනයක් නිකුත් කරමින් ශ්රී ලංකා ක්රිකට් ආයතනය ප්රකාශ කළේ දේශීය පුහුණුකරුවන්, පුහුණුකරුවන් සහ භෞතචිකිත්සකයින් සඳහා ඔවුන්ගේ කුසලතා සහ නිපුණතා වැඩි දියුණු කිරීම සඳහා උසස් පුහුණුවක් ලබාදීම සඳහා ජාත්යන්තර ක්රිකට් ක්රීඩාවේ ප්රකට දක්ෂයින් කිහිප දෙනෙකුගේ සේවය ලබා ගැනීමට තීරණය කර ඇති බවයි.
මේ සඳහා විශේෂඥ පන්දු රැකීමේ පුහුණුකරුවෙකු වන හිටපු දකුණු අප්රිකානු ක්රිකට් ක්රීඩක ජොන්ටි රෝඩ්ස් - හිටපු ඉන්දීය ජාතික කණ්ඩායමේ වේගපන්දු යැවීමේ පුහුණුකරු භාරත් අරුන් - සහ ශ්රී ලංකා ජාතික කණ්ඩායමේ හිටපු භෞත චිකිත්සක ඇලෙක්ස් කවුන්ටූරිගේ සේවය ලබා ගැනීමට විධායක කමිටුව තීරණය කළ බවත් එහි සඳහන්ව තිබුණා.
දේශීය ක්රීඩා වෙබ් අඩවියක් විසින් ශ්රී ලංකා ක්රිකට් ආයතනයේ තීරණය පිළිබඳ ලිපියකට ප්රතිචාර දක්වමින් ජොන්ටි රෝඩ්ස් එම වාර්තාව ප්රතික්ෂේප කර තිබෙනවා.
(colombotimes.lk)