රථවාහන දඩ මුදල් අන්තර්ජාලය හරහා ගෙවීමේ පහසුකම ළඟදීම දිවයින පුරා ලබාදීමට නියමිත බව ප්‍රවාහන අමාත්‍ය බිමල් රත්නායක පවසනවා.

ඔහු සඳහන් කළේ දැනටමත් රථවාහන දඩ මුදල් අන්තර්ජාලය හරහා ගෙවීමට හැකි අතර දෙසැම්බර් 31 වන විට මෙම පහසුකම මුළු රට පුරාම ලබාදීමට බලාපොරොත්තු වන බවයි.

එමෙන්ම 2026 වසරේ මැද භාගය වන විට රියදුරන් සඳහා පුළුල් දඬුවම් ලකුණු ක්‍රමයක් හඳුන්වා දෙමින් මෙම ක්‍රමය GovPay හරහා රියදුරු දඬුවම් ලකුණු ක්‍රමයට සම්බන්ධ කිරීමට අපේක්ෂා කරන බවද ඔහු වැඩිදුරටත් සඳහන් කළා.

(colombotimes.lk)